給童媽的信(十三): 媽媽, 我愛您!

童媽不在旁, 其實童童好唔慣, 扭計多了很多, 見童爸在旁, 又經常不願瞓覺.

每晚三至四時許, 童童會起身, 繼而哭叫, 這周都是童爸照顧, 平時慣了依賴童媽, 童爸不用起床, 現在則每天都要分兩次瞓, 真係有點累, 亦深知童媽的辛苦.

童媽不在旁, 其實童爸都好唔慣, 但我沒有扭計.

童爸經常check童童的blog, 或自己的fb或短訊, 希望收到'老仔'(即童媽)的消息, 知道她在歐洲的情況.

每次收到童媽的消息, 亦會第一時間通知童童.

今早, 在燉奶佬食早餐, check童童的blog, 發現童媽的回信, 真的好高興, 即刻同童童講媽媽住的酒店及逛公園.

童童好掛住媽媽, 當童爸叫童童錫錫媽媽, 二話不說, 童童向我的手機咀落去!!!!

媽媽, 我們愛您!