給童媽的信(六): 思念不是一種病

小叮扭計, 童童無佢符.

玩足一日, 睡前飲醉酒feel.

童媽, 差點留淚的感覺, 我都有試過, 應該是去年在曼谷期間, 閱讀童童的網誌, 百感交集.

所以, 我會好努力努力努力更新網誌, 讓你與童童'貼近'.

你想說, 每次我出差後, 童童就學懂了些事情.

你回來的時候, 童童會如何呢?

今日, 本來婆婆打算探訪童童, 不過要照顧公公, 可能明天吧.

我就帶了童童探嫲嫲, 小叮和童童玩得好開心, 要離開的時候, 童童瞓着, 小叮飲奶時都話要同童童byebye, 太倦了.

晚上, 我又帶佢探訪迦晴和迦南, 可說是玩足一整天呢!

睡覺前, 當然少不得童爸講故事, 今晚故事書為How to catch a star.

我常跟童童說, 童媽出差了, 遲些才回來, 童童要乖唄, 不要欺負童爸, 晚上最好唔會起床, 而佢昨晚真的沒有起床. (童爸)