小暖爐

未買暖爐前,在家裡要戴上頸巾才能夠保暖.謝謝迦晴表姐借來温柔的小冷頸巾.

冬天都過啦,下年先買啦,再過一陣就唔凍....

這個冬天,掙扎了數次是否買個暖爐,

但想想香港凍日子不多,無謂在家添多件物件,

所以一直以冬天就過啦...凍多幾日唔凍..等理由決定不買暖爐.

但經過這兩天的超級八,九度低溫,童童著到成舊糉仍然手凍凍,

童爸童媽瞓落床如睡上寒冰床,

頂唔順,今日終於決定急急買部小暖爐.

原來市面上電器舖早換上春天用的抽濕機,香港應已無幾多人現在才來急買暖爐.

童爸到旺角找了很久,才找到部小暖爐,

今晚,我們仨終於可睡個暖暖的覺.

天文台預測,明日氣溫只得九度.....