童聲童戲

2010年5月23日星期日

給童媽的信(二十): 周日與嫲嫲遊玩公園是正常事

童媽,

你在英國那邊, 如何報導blackpool榮升英超球隊呢?

昨晚睇咗歐聯決賽, 原本今早打算瞓覺, 但一早門鐘響起, 原來係童童嫲嫲探訪, 話同童童行公園.

真的嗎? 其實今早下雨, 嫲嫲到來時剛好停了.

童爸見嫲嫲誠意拳拳, 只好帶着疲倦的身體, 捨命陪君子.

到了公園, 童童'老點'嫲嫲', 這兒不詳錄了.

童爸

童童指着對面, 話要有人坐對面一齊玩.

童媽在倫敦的回信之一

童童,

剛看到你跟表妹的相片,

相中的你,好似佬了很多,也有點怕厭樣,

爸爸說你這兩天很naughty,對嗎?

我最擔心是,童童晚上蝦爸爸,

因為半夜是童爸最軟弱的時候.

來到倫敦,天氣很好,沒有倫敦典型的陰陰雨天,
明日是周日,我們沒有訪問,有一天的假期,
我準備到書店買繪本圖書給你,好嗎.

媽媽很快便回來,
很掛念你跟爸爸.

童媽
倫敦午夜

2010年5月22日星期六

童媽,

你那邊的天氣如何?

香港天氣開始變壞, 這一兩天都下雨.

今天童童很乖, 願意瞓覺, 童爸亦因此放心出外做運動.

我們下午同甯甯一起去公公婆婆家, 起初甯甯有點累要休息, 然後到童童累了要休息, 兩個小b一齊玩的時候其實不多.

他倆互相拖手仔, 互錫, 之後又互踢, 玩到好開心.

剛睇完英冠附加賽決賽, 結果黑池勝出, 下季踢英超, 不知會否是今季'般尼'的翻版?

今晚歐聯決賽, 我喜愛的摩連奴, 能否帶領國米勝出呢?

童爸

甯甯和童童作好準備

拍手示好!

錫錫又如何?

錫完就'較腳'.

倆個都大呼過癮.

連五e都忍不住咀童童. 童童已沒有初吻可言.

童童見舅父舅母走, '無良心'的童童bye bye得幾開心.

童童食飯後期開始分心, 要queenie ee相就, 你看, 童童一臉'奸相'.

不過, 就算童童點唔乖, 愛錫他的婆婆, 還是容易被童童'騙'.

童童玩蚊怕膏, 大e和二e無佢符.

queenie ee好錫童童, 每次見他, 都會主動抱童童, 同佢玩.

給童媽的信(十八): 我們倆的自拍照

童媽,

沒有你在旁, 我們倆仔爺都有點孤單.

不過請你放心, 我哋有面對的點子.

今早, 我抱着童童, 對着我們房門的全家福大相說, 媽媽在歐洲的情況. 然後, 我同佢講: 不如錫錫媽媽, 童童即刻咀落將相處, 情況就好似昨早咀落我的手機上. 好sweet!

童童不懂言說, 但掛念媽媽之情, 是很容易察覺的.

今早, 倆仔爺無嘢做, 不如拍張自拍照俾媽媽睇, 以解思念吧. 對我們倆個, 也是一個therapy.

下午, 我們會返婆婆家, 跟甯甯表妹玩唄.

童爸

ps: 不得不提, 最近, 童童講'拜拜'講得好清楚.

給童媽的信(十七): 朗朗講故事

童媽,

我跟你講過, 朗朗好喜歡oliver jeffers的圖畫書, 例如how to catch a star.

朗朗好乖, 當蘇家大部分人離開後, 主動表示跟童童講故事, 講的當然是how to catch a star.

朗朗講故事時, 面情都幾肉緊, 場景就好warm.

情節方面, 他選擇要'扼要'和'精簡'. 該故事書共有三十頁, 我想, 朗朗應該講咗十頁. 餘下的故事, 二姑媽接力.

童爸

給童媽的信(十六): 蘇家大集會

童媽,

蘇家部分人一齊食晚飯, 之後探訪童童.

之後, 愈來愈多人到來, 最後所有蘇家的人及童童老表都到齊, 非常熱鬧.

以下是其中的snapshots:

童童遲了食飯, 小叮探訪時, 童童不願食飯, 小叮反而有興趣, 而當小叮吃一口後, 童童即願意食飯, 結果, 不知飽的小叮食多了不少, 而童童亦最後完成晚飯. 多謝小叮幫手.

這班小鬼正在睇baby einstein.

天氣酷熱, 大姑媽及二姑媽再幫童童修髮, 朗朗表哥和童爸不斷以餅乾和香蕉, 轉移童童視綫, 不會周身移動. 多謝朗朗表哥!

'師哥'童童!?

童童理髮後, 下一個到南南表哥, 但南南起初唔like, 大叫, 童童望望南南, 然後雙手擋着耳朵, 免得影響佢睇baby einstein.

朗朗及思瀧'發明'了一招轉移大法, 就是跟南南玩'掉東西', 這招好靈, 南南即時乖乖理髮.

給童媽的信(十五): 舅父舅母探訪

童媽,

舅父舅母一直都好錫童童.

今日是公眾假期, 他們特登過來探童童.

原本童爸想安排童童在他們未到之前睡覺, 玩時精神一點. 不知何解(唔通掛念媽媽?), 整個上午及下午, 童童都不願瞓.

兩舅好有心機跟童童玩: 劃畫, 斟茶飲水, 床上嬉戲, 睇電腦......

我們都有試過要童童瞓覺, 但每次佢都會大哭, 過了二十分鐘還是哭着, 唔通掛住媽媽?

我同世基和阿恩講, 頂得着bb的哭聲嗎? 阿欣話得, 半小時都得. 世基無明確表示.

舅父舅母終於見到童童不乖的moment.

還有一樣'不乖', 就係童童爬上梳化, 愈來愈高, 差不多可以上到open kitchen.

我們真的要打醒十二分精神, 留意bb舉動, 否則爬了上去然後高處跌下, 點算?

童爸

給童媽的信(十四): 久違了的公園

童媽,

自從你出差後, 童童早上沒有到公園玩.

童爸趁周五假期, 決心一早帶童童到公園玩.

打了電話給三e, 五姑姐及六姑姐, 但無人夾到時間.

一如往常, 童童望着老人家打太極, 到公園要玩韆鞦, 見到別人的單車, 就忍不住會去觸碰.

不過, 天氣悶熱, 我們玩到九時四十五分便要離開公園了.

明天, 還會到公園嗎? 不肯定, 但就已經約好五e一齊返沙田探公公婆婆.

童爸

給童媽的信(十三): 媽媽, 我愛您!

童媽不在旁, 其實童童好唔慣, 扭計多了很多, 見童爸在旁, 又經常不願瞓覺.

每晚三至四時許, 童童會起身, 繼而哭叫, 這周都是童爸照顧, 平時慣了依賴童媽, 童爸不用起床, 現在則每天都要分兩次瞓, 真係有點累, 亦深知童媽的辛苦.

童媽不在旁, 其實童爸都好唔慣, 但我沒有扭計.

童爸經常check童童的blog, 或自己的fb或短訊, 希望收到'老仔'(即童媽)的消息, 知道她在歐洲的情況.

每次收到童媽的消息, 亦會第一時間通知童童.

今早, 在燉奶佬食早餐, check童童的blog, 發現童媽的回信, 真的好高興, 即刻同童童講媽媽住的酒店及逛公園.

童童好掛住媽媽, 當童爸叫童童錫錫媽媽, 二話不說, 童童向我的手機咀落去!!!!

媽媽, 我們愛您!