派錯藥 - 專業盲點

衛生署首次委託醫療輔助隊進行肺炎球菌疫苗免費注射計劃, 實施首日即爆出派錯藥事故. 童童亦是首批打針的bb.

收到消息話政府晚上8時開記者會, 童爸心想: 唔通打錯針? 政府唔通低能到咁?

聽曾浩輝講吓講吓, 原來係派錯藥. 回想當日情況, 童爸記得輔助隊的哥哥姐姐都好緊張及小心, 始終唔係自己地頭.

醫療系統內的人員有自己的norms and practices, 這是可以理解的, 但如果要找其他人幫手, 就要從別人的水平審視及設定做法, 而非只從醫護人員的習慣出發, 這就是所謂的"專業的盲點". 其實, 如果專業人士不能面對自己的盲點, 並非真正的專業.

愈寫愈離題, 其實童爸只係想紀錄這件童童有份參與的社會事件. 不知道這會否為童童種下新聞採訪的種子, 承接爸媽曾為/現為新聞工作者的理念. (文/圖: 童爸)